ملخص مؤتمر Apple وكل اللي محتاج تعرفه عن  iPhone 13 ! - Select

انطلق يوم ١٤ سبتمبر مؤتمر آبل لعام ٢٠٢١، وهو واحد من أهم المؤتمرات في مجال التكنولوجيا واللي بيستناه الملايين من الناس كل سنة. ناس كتير من محبي ماركة Apple وحتى المنافسين مترقبين بحماس علشان يتعرفوا على أهم خصائص الإصدار الجديد للآيفون iPhone 13 وكمان يعرفوا أهم الإصدارات الجديدة لمنتجات مختلفة من آبل ومن ضمنها الجيل السابع من ساعات آبل الذكية وأحدث إصدار من iPad، وiPad Mini.

 

مؤمتر آبل السنة دي مليان بالاصدارات الجديدة والتحسينات والتطوير من منتجات كتير موجودة حاليا، بنسخ بتقول عنها آبل إنها الأقوى والأسرع والأفضل مقارنة بجميع المنافسين!

وبدأ "تيم كوك" الرئيس التنفيذي لشركة Apple المؤتمرالسنوي بالإعلان عن المنتجات الجديدة، واختار يبدأ بأحدث إصدار من جهاز "آيباد"، وعرض أهم مميزات وخصائص الاصدار الجديد منه، ومن أهمها:

  • شريحة A13 Bionic ، الأعلى في الأداء بنسبة ٢٠٪ مقارنةً بشريحة A12 السابقة
  • أداء أسرع في وحدة المعالجة المركزية ووحدة معالجة الرسومات والمحرك.
  • أسرع بثلاث مرات من أجهزة Chromebook الأكثر مبيعًا ، و6 مرات أسرع من أجهزة Android اللوحية الأكثر مبيعًا.
  • تحديث معالج الصور وبالتالي إنتاج صور أفضل.

تحديث الكاميرا الأمامية بشكل كبير إلى 12 ميجابكسل فائقة الاتساع مع مجال رؤية 122 درجة مع Center Stage

أضافت آبل ميزة جديدة لجهاز "آيباد" وهي الـ center stage اللي بتقدر تلقائيًا تكتشف الأشخاص وتحرك الإطار لمتابعتهم. بتشتغل في FaceTime و Zoom وتطبيقات الفيديو المختلفة، وكمان من أهم التغيرات في iPad هي شاشة True Tone ، اللي بتقدر تضبط درجة حرارة اللون لتلائم البيئة، وتحافظ على التوافق مع الملحقات بما في ذلك الجيل الأول من Apple Pencil.

 

وبالانتقال لمنتج مختلف وهو النسخة الجديدة من الـ iPad Mini اللي فيه كل مميزات استخدام الـ iPad لكن بحجم أصغر وسهل في التنقل أكتر، واللي بيقول عنه "تيم كوك" في المؤتمر إنه منتج صغير لكن هو الأفضل والأكثر تميزا في إمكانياته!

وأعلنت آبل ان المتميز في الاصدار ده من الآيباد ميني هو إعادة تصميم كاملة تخلي  كل حاجة  بيحبها مستخدمي iPad‌ بين أيديهم بشكل مريح أكتر. من تصميم للشاشة نحيف وخفيف الوزن، بالإضافة لمجموعة رائعة من الألوان الجديدة: بنفسجي، وردي، ضوء النجوم، رمادي فلكي.

 

بالإضافة لأهم مميزات الجهاز اللي اعلنت عنها Apple ومنها:

  • حجم الشاشة 8.3 بوصة مع نفس مساحة الجهاز.
  • لون مضاد للانعكاس
  • سطوع 500 شمعة
  • Touch ID موجود في زر الطاقة زي الموجود في iPad Air.
  • ارتفاع مبهر في قدرة أداء وحدة المعالجة المركزية بنسبة ٤٠٪، وبنسبة 80٪ في وحدة معالجة الجرافيكس.
  • محرك Neural Engine أسرع مرتين من السابق، ويقدم تجارب من مستوى أعلى زي الترجمة اللحظية.
  • بالإضافة لمنفذ USB-C بدلاً من Lightning.

يدعم 5G على بسرعات تحميل توصل لـ 3.5 جيجابت في الثانية.

 

مش بس كدة كمان أضافت آبل إنه تم تزويد الجهاز بإكسسوارات بتشمل غطاء واقي انسيابي فيه منه ألوان مختلفة، وهيكون معاه الجيل الثاني من أقلام آبل الذكية والأقلام قابلة للالتصاق بالجهاز بطريقة مغناطيسية، واللي سعره هيبدأ من 499 دولار!

 

 

ومن ضمن المنتجات اللي تم الاعلان عنها في المؤتمر كان الجيل الجديد من الساعة الذكية Apple Smartwatch 7 واللي اتكلمنا عنها بالتفاصيل في مقال منفصل، اقرأ المقال الكامل من هنا.

اللي أضافت عليها آبل تحديثات وتحسينات كتيرة وعلى حسب ما أعلنت الشركة إن الجيل ده من الساعات الذكية من آبل هايكون الأفضل والأقوى في كل الأجيال السابقة، والمتوقع إصدارها آخر فصل الخريف ٢٠٢١.

 

واختتمت Apple المؤتمر بتقديم الجيل القادم من iPhone‌ واللي يعتبر المنتج المُفضل والأكثر انتشارا وشعبية عند عدد هائل من الناس في جميع أنحاء العالم، وأعلنت عن  الاصدار الجديد منه iPhone 13!

 

وفي حديث آبل عن iPhone 13 قال "تيم كوك" الرئيس التنفيذي لـ Apple انهم بيحاولوا دايما يحسنوا منه ويخلوه أفضل وأكثر قوة وأكثر متعة في الاستخدام،

وأعلنت عن أهم الخصائص والتغيرات الموجودة في iPhone 13 وهي:

  • شاشة أمامية أقوى ومضادة للمياه
  • وبطارية تعيش يوم كامل! بالرغم من كل الخصائص المضافة واستهلاك 5G وسطوع أعلى.
  • ده غير إنه مزود بخواص تأمين أقوى ومتطورة أكتر
  • إضافة خاصية التعرف على الصوت عن طريق تطبيق “سيري”.
  • بيجي بتصميم عصري وبخمس ألوان مختلفة
  • يدعم حافظة الطاقة الممغنطة “ماج سيف”
  • ويدعم شبكة الجيل الخامس 5G،
  • مزود بخرائط ثلاثية الأبعاد

بيتميز كمان بشريحة A15، واللي بتخلي iPhone 13 ٥٠٪ أسرع من أكبر المنافسين

لكن أهم الاختلافات اللي سلطت Apple الضوء عليها كانت خصائص الكاميرا الجديدة الاستثنائية، مش موجودة في أي موبايل تاني والخيارات المتنوعة في التصوير، ومن أهمها:

  • تزويد خاصية التركيز التلقائي على اللقطة في التصوير بالفيديو
  • خاصية “سينماتك مود” واللي هاتوفر امكانية التصوير بشكل مشابه جدا للتصوير السينمائي
  • كاميرا أيفون 13، مزودة بأحدث نظام كاميرا مزدوجة في العالم 12 ميجا بكسل،
  • نظام مضاد لاهتزاز الكاميرا
  • خاصية التصوير في الوضع الليلي بوضوح ودقة أكتر،
  • وكمان نظام “الترا وايد”.

أضافت آبل إن مش هايكون في اختلاف في تصميم آيفون 13 عن الإصدار السابق آيفون 12 وإنه هايبقى بنفس الحجم كمان، وبنفس حجم الشاشات اللي هو 5.4 بوصة و6.1 بوصة للنماذج العادية، و6.1 بوصة و6.7 بوصة لأجهزة Pro.

أما عن السعر فما زال سعر ‌iPhone 13 mini يبدأ من 699 دولارًا ، و iPhone 13 بسعر 799 دولارًا. مضاعفة سعة التخزين الأساسية إلى 128 جيجابايت وإضافة خيار جديد بسعة 512 جيجابايت.

الحماس والتغيير كانت النغمة الواضحة في مؤتمر آبل خصوصا في الحديث عن iPhone 13 في النسخة الـPro اللي بتيجي بأربع ألوان بس، و٣ عدسات لكن بحجم أصغر ٢٠٪، ومضاد للمياه، وكمان بيدعم الإضاءة الليلية وبيتميز بشاشة XDR، وقدرة على الإضاءة  1000 nits، ومعدل تحديث شاشة 120 Hz مع آلية التعديل.

وهيتميز بأحدث خواص تشغيل الـ”Video games” السريعة جدا خاصية “برو موشن” ، أما عن الكاميرا في النسخة البرو فبتتميز بكاميرات اكبر مقاس فيها مقاس 77 ملي، اللي بتستعمل نظام “ألترا وايد”، 12 ميجا بيكسل ومزودة بثلاث اختيارات من التقريب البصري، مش بس كدة كمان في خاصية “ماكرو فوتوجرافي” اللي بتساعد على التقاط أدق التفاصيل في الصور، اللي بتقدر تتأقلم مع كل حالات الإضاءة المختلفة.

آيفون ١٣ هيكون متاح قريب جدا في جميع فروع سلكت، الحق احجز نسختك دلوقتي علشان تستفيد من العروض الموجودة على الحجز المسبق. احجز من (هنا)

https://www.youtube.com/watch?v=XKfgdkcIUxw&feature=youtu.be